أهلا.. اسمي محمد, مدرس ومدرب للغة الانجليزية وكنت دايما بحب الانجليزي عشان كده بدأت أتعلمه من البداية, بدأت دراسة إنجليزي وألماني وأنا في الجامعة وفضل الانجليزي لغتي المفضلة وبدأت أدرسه للطلبة كمان، ومن وقتها ومساعدة الناس إنهم يتعلموا دا شئ بيسعدني الحقيقة وببقى فخور بنجاح أي حد كنت أنا من ضمن أسباب نجاحه..✨ متحمس أقابلكم وأساهم في نجاح كل واحد فيكم
أهلاً، أنا آلاء! أنا بحب أتكلم مع ناس من كل الأعمار، من الحضانة للي تقاعدوا، مش مهم إن كانت البداية بدري أو متأخر، المهم إننا نتعلم طول الوقت، وأنا هنا تمامًا عشان كدا! هكون مبسوطة لو اتعلمت من تجارب حياتك ويمكن نتبادل تجاربنا مع بعض.
أنا رِوان أسامة، أنا دايمًا مؤمنة إن أي حد يقدر يتعلم English في أي وقت لأن في ناس كتيرة جدا بتقول لنفسها إن خلاص الوقت عدى أو كان لازم أتعلم بدري شوية بس أنا هنا عشان أقولك إن ده غير صحيح و عشان أساعد كل شخص يوصل للمستوى الي نفسه فيه مهما كان عمره كام
هلاً! انا سلڤيا، هكون صديقتك ف رحلتك التعليمية. هدفي استكشف معاك الشخصية الي بتبنيها اي لغة جديدة بتتعلمها، وازاي ده بيوسع افاقك وبيفتحلك فرص جديدة ف كل المجالات. دايماً هكون مستنية اسمع حكاياتك، خبراتك، ووجهات نظرك ف كل المواضيع 🥰
أهلاً، أنا هايدي. البرمجة، المناظرات، وعلم النفس هم ثلاثة من هواياتي. بحبهم جدًا وعادة بينتجوا محادثات معرفية ممتعة. يالا ندخل مع بعض في المواضيع دي ونستكشف أعماق المعرفة والأفكار. متفوتش الفرصة إنك تشارك معايا في محادثات محمسة.
أهلا.. أنا ندي منير . خريجة كلية أداب قسم انجليزي سنة 2019. حاصلة علي شهادة TEFL لتدريس اللغة الانجليزية. خبرة ٤ سنوات في مجال التدريس, وبقالي أكتر من سنة ونص مع Go Talky متحمسة أتكلم معاكم وأساعد كل واحد إنه يتقن اللغة..
هاي! أنا منار، طالبة صيدلة عمري 23 سنة. بجانب دراستي في الصيدلة، بحب الطبخ، خصوصًا الدجاج Sweet & sour اللي بعمله. وكمان عندي اهتمام كبير بالسياسة، حقوق الإنسان، الصحة النفسية، ومحاربة التمييز العنصري. التنوع في الثقافات بيثير فضولي جدًا، فإذا كنت عايز تستكشف مدن قليلة معروفة زي ويلز وكونيتيكت، يالا نبدأ على طول!
أهلاً بيكم ☺️🌹 انا أميرة يحيي ، مدربة لغة مبدأها الأول والأساسي الاستمتاع بالتعلم.. متحمسة دايماً أسمع منكم حكاويكم وخبراتكم الجميلة ولمشاركتكم بشوية من حكاياتي في محادثة لطيفة في وقت مناسب من اختياركم 🫶
أنا دينا خريجة كلية الآداب والعلوم الإنسانية. بحب الأفلام والمسلسلات الإنجليزي و الدراما الكورية والقراءة والفن. أنا متشوقة إني أشاركك في رحلتك لتحدث اللغة الإنجليزية بطلاقة. فلو حابب تحسن قدراتك في الإنجليزي أو مهتم بالقصص الممتعة فأنا الشخص المناسب لمساعدتك.
مدرّسة إنجليزي متمرسة، عندي خبرة واسعة في مجال التعليم، ساعدت الكثير من الناس على تحقيق أهدافهم في تعلم اللغة، وعندي أسلوب ودود هيساعدك تتعلم, متحمسة أساعدكم تطوروا لغتكم الإنجليزية.
أهلا أنا أحمد مجدي 😄 مدرب لغة مستعد لمساعدتكم للوصول لهدفكم لإتقان اللغة بالشكل المرغوب فيه عن طريق محادثة خفيفة لتطوير مهارات التحدث في أي وقت مناسب تختاروه أتمنى أقدر أساعدكم بالشكل الكافي و المحادثة تكون خفيفة عليكم و تستمتعو بيها 💙
