الممارسة المستمرة تعتبر الطريقة االأمثل لتطوير مهاراتك في التحدث بالإنجليزية مدربينا المحترفين في انتظارك لمساعدتك على إتقان اللغة في أي وقت ومن أي مكان
أنا نورهان، مدرسة اللغة الانجليزية لرحلتنا، بحب القطط، اللغويات، الفن، وعلم النفس، اللغة الانجليزية هي عالمي الخاص و بما إنكم هنا يبقى عايزينه يكون عالمكم أنتم كمان، يلا نبدأ!
انا مريم، بنسمع أن النت بيقرب الناس لبعضها بس انا مؤمنة دايما ان اللغات هي اللي بتعمل كده. أفضل طريقة عشان تفهم اللي قدامك وتحس بيه وتتواصل معاه هو أنك تتكلم لغته وانا اقدر اساعدك تعمل ده. اللغات لها سحرها الخاص، سجل معانا واكتشفها.
أنا هاجر، بجانب الكاراتيه و العلوم أنا شغوفه بالقراية و قططي، انا مؤمنة ان الحياة ثمينه جدا إني أضيعها في توتر و قلق عشان كده بحب اخلق بيئة مريحة للكل لتجربة اللغه و تعلمها و هدفي هوا بناء الثقة و الأهم من كده الاستمتاع بكل جانب من الرحلة التعليمية لان اللغة للجميع
أنا دينا خريجة كلية الآداب والعلوم الإنسانية. بحب الأفلام والمسلسلات الإنجليزي و الدراما الكورية والقراءة والفن. أنا متشوقة إني أشاركك في رحلتك لتحدث اللغة الإنجليزية بطلاقة. فلو حابب تحسن قدراتك في الإنجليزي أو مهتم بالقصص الممتعة فأنا الشخص المناسب لمساعدتك.
أهلا! انا علي دايما كنت مهتم باللغات وازاي افهم لغة تانية و افكر بيها، اتعلمت انجليزي ودرَسته و درست تركي ودلوقتي بدرس لاتيني. مقتنع ان تعليم اللغات لازم يكون باكتر من طريقة وهدفي اني اخليه ممتع و تتعلمه من غير ما تحس انك بتتعلمه ويبقى عندك ثقة في نفسك وانت بتتكلم.
أنا فاطمة، بحب اقابل ناس و اعرف آرائهم واتناقش معاهم في موضوعات مختلفة و ابقى جزء من رحلتهم في التعلم ، اعتقد ان من اهم جوانب الانسان هو الجانب الفكري و الجانب النفسي لانهم بيأثروا على جميع الجوانب الأخرى، وعشان كدا مهم نعبر عن انفسنا و آرائنا عشان اللغة مش بس شوية كلمات و قواعد واعتقد ان اي حد يقدر يضيف كتير و يتحسن لما يوظف اللغة في التعبير عن نفسه
أنا ياسمين، محاضرة لغة إنجليزية أحب تدريس أشخاص من خلفيات متنوعة. أهدف إلى بناء جسور من الفهم بين اللغتين العربية والإنجليزية تسمح للناس بالتواصل والتعاون مع الآخرين بغض النظر عن لغتهم الأم أو بلد ميلادهم.
انا سمر.. عاشقة للغات طول عمرها بتحب التدريس، ال pixel art، و التعاملات البشرية المميزة العابرة. لذلك في اي وقت نتقابل فيه خلال السيشن، اتمني تقدر دائما تحس انك بتتكلم مع صديق ، في المقابل ، هبذل كل جهدي اني اكون صديقة جيدة لكم
ازيكم! انا جيداء، خلوني اشارك معاكم جزء من شخصيتي….انا بعشق القطط – واعتقد ان قططي هيقدموا نفسهم ليكوا في مرة من المرات ،بعتذر عن دوشتهم.
انا شخص متعدد الشغف بستمتع باستكشاف المجالات المختلفة زي العلوم وعلم النفس والتصوير. بحب كمان اتفرج علي الافلام و بحب الطبخ. غير كل ده بقي، انا بحب احلل اللي بيحصل في العالم حوليا واكتشف خباياه. مستنية اتعرف عليكم ونستمتع مع بعض واحنا بنتعلم حاجة جديدة.
احصل على احدث الاخبار
جوتوكي اراء طلابنا
